សិក្សា
សិក-សា សំ.; បា. ( ន. ) (ឝិក្សា; សិក្ខា) សិក្ខា គឺការរៀន, ការរៀនទន្ទេញ, ការសូត្ររៀន; ការហ្វឹក, ការហ្វឹកហាត់; ការប្រុងប្រយ័ត្នរក្សាមារយាទឲ្យល្អ; ខប្រតិបត្តិ; វិជ្ជា; ការស្ទាត់ជំនាញ,... ។ ខ្មែរច្រើនប្រើជា កិ. “រៀន, រៀនទន្ទេញ, សូត្ររៀន” : មាតាបិតាទំនុកបម្រុងបុត្រឲ្យសិក្សា ។ សិក្សាការ ឬ--ការ្យ ការសិក្សា ។ សិក្សាចតុរាង្គ (--ចៈតុរ៉ាង) អង្គ ៤ នៃការសិក្សាគឺ សុ. ចិ. បុ. លិ. (ម. ព. នេះ) ។ សិក្សាត្រ័យ ប្រជុំ ៣ នៃខប្រតិបត្តិគឺ សីល, សមាធិ, បញ្ញា (ហៅ ត្រ័យសិក្ខា ក៏បាន; ព. ពុ.) ។ សិក្សាធិការ (សំ. ឝិក្សា + អធិការ) ការគ្រប់គ្រងឬត្រួតត្រាលើការសិក្សា : ក្រសួងសិក្សាធិការ ។ល។