ការពិភាក្សា:ឆុង
ជំនឿលើការឆុងនេះបានជ្រាបចូលមកក្នុងផ្នត់គំនិតខ្មែរកាន់តែខ្លាំងឡើងចាប់ពីចុងទសវត្សរ៍៩០។ មិនត្រឹមតែយល់ថាការជ្រើសរើសថ្ងៃ ឬកន្លែង ឬការដាក់ទិសផ្នូ ប៉ុណ្ណោះទេ សូម្បីតែការទៅគោរពវិញ្ញានក្ខន្ធនាពេលបច្ចុប្បន្នប្រជាជនខ្មែរខ្លះត្រូវមើលឬសួរថាតើអ្នកស្លាប់កើតឆ្នាំអី អាចឆុងដែរឬទេ។ នៅក្នុងពិធីបុណ្យសពខ្លះ គេឃើញមានរហូតដល់ដាក់ជាផ្លូវការថាសពនេះឆុងនឹងអ្នកឆ្នាំនេះឬឆ្នាំនោះតែម្ដង នៅលើធៀបអញ្ញើញ ឬនៅនឹងកន្លែងប្រារព្ធពិធី។ សាច់ញាតិ ឬមិត្តភក្កិខ្លះពុំហ៊ានទៅពិធីបុណ្យសពមួយដោយសារតែបារម្ភរអានឹងការឆុងនេះ។ ជំនឿនេះពេលខ្លះបានបំផ្លាញទឹកចិត្តកូនចៅឬសាច់ញាតិបង្កើតរបស់សពក៏សឹងមាន ព្រោះថាកូនខ្លះ ចៅខ្លះ មិនហ៊ានទៅចូល ឬត្រូវបានហាម ឬបញ្ចុះបញ្ចូលមិនឱ្យទៅចូលរួមបុណ្យសព ឬដោយហោចទៅគ្រាន់តែទៅមើលមុខសពជាលើកចុងក្រោយ ឬក៏ទៅដើម្បីជួយឈឺឆ្អាលរំលែកទុក្ខជាមួយគ្រួសារសពជាលើកចុងក្រោយក៏មិនអាចធ្វើទៅបាន ក៏ព្រោះតែជំនឿដែលបាំងបាត់ការគិតពិចារណារកហេតុផល ជំនឿដែលប្រាសចាកពីសេចក្ដីពិត។ តាមពិតមនុស្សដែលស្លាប់ទៅហើយគ្មានដឹងអ្វីទេ ចង្រៃ ឬឆុង គឺកើតចេញតែពីការគិតមិនត្រូវតាមទំនងនៃសេចក្ដីពិតរបស់មនុស្សរស់ប៉ុណ្ណោះ។ (--103.23.132.122 ម៉ោង០១:០៥ ថ្ងៃអាទិត្យ ទី២១ ខែមីនា ឆ្នាំ២០២១ (UTC))