(ប្រវត្តិសាស្ត្រ) British colonial empire, empire colonial Britannique ចក្រភពអាណានិគមប៊្រីថេន រដ្ឋដែលមានអត្ថិភាពពីចុងស.វទី១៦ ឡើងដល់ចំណុចកំពូល នៅចុងស.វទី១៩ និងដើមស.វទី២០ (the height of its power in the late 19th and early 20th centuries) ដែលបង្កើតឡើងដោយសារពួកអង់គ្លេស ធ្វើការត្រួតត្រាដែនដីឯនាយសមុទ្រ និងប៉ុស្តិ៍ពាណិជ្ជកម្មនានា។ ក្រោមការត្រួតត្រារបស់មហាក្សត្រនៃចក្រភពអង់គ្លេស (Royaume-Uni) ចក្រភពនេះរួមមានដែនដីអាណានិគម ដែនដីអាណាព្យាបាល និង ទឹកដីជាច្រើនទៀត ដែលមានផ្ទៃដីទំហំ ៣៣៦៧០០០០ គ.ម.២ ដោយរួមមានផ្នែកខ្លះនៃទ្វីបអាមេរិកខាងជើង អាហ៊្វ្រិក អាស៊ី និង ទ្វីបអូសេអានី។ រាជធានីនៃចក្រភពនេះគឺទីក្រុងឡុង។ ពួកគេគោរពសាសនាគ្រិស្តនិកាយផ្សេងៗគ្នា និង ប្រើភាសាអង់គ្លេស។
