ចង្កៀលខ្យង
( ន. ) ឈ្មោះសត្វស្លាប មានចំពុះវែងកោងខុប តែងរកស៊ីក្នុងវាលស្រែ ក្នុងបឹងស្រែជាដើម ។ចង្កៀលខ្យង ជាប្រភេទបក្សីម្យ៉ាងដែលមានមាឌធំ ចំពុះមានប្រហោង ខ្លួនពណ៌ស ស្លាបហើរទី១ ទី២ និងកន្ទុយពណ៌ខ្មៅ។ បក្សីប្រភេទ ភាគច្រើនរស់នៅតាមព្រៃលិចទឹក វាលលិចទឹក វាលស្រែលិចទឹក។ ចង្កៀលខ្យង ជាទូទៅរកស៊ីជាហ្វូង និងស៊ីខ្យងជាអាហារ ហើយគេឃើញសម្បូរនៅតំបន់ជំវិញបឹងទន្លេសាប ព្រមទាំងពងកូននៅតំបន់ព្រៃទាល់។ បក្សីនេះ បន្តពូជចាប់ពីខែតុលា ដល់ខែមេសា និងមានចំនួនពងត្រឹមតែ២ ទៅ៥ប៉ុណ្ណោះ។