ចាបកន្លង់
ប្រភេទចាបម្យ៉ាង ចាបកន្លង់ គឺជាឈ្មោះសត្វស្លាបតូចៗមួយប្រភេទ ដែលបក្សីឈ្មោល ខ្នងមានពណ៌បៃតងខ្ចីរលោង ថ្ងាស បំពង់ក និងដើមទ្រូងមានពណ៌ខៀវចាស់ ពោះនិងគូថពណ៌លឿង ក្រោមកន្ទុយពណ៌ស។ ចំពោះបក្សីឈ្មោលនេះដដែល ក្រោយពេលបន្តពូជ មានបំពង់កពណ៌ខៀវ ចាស់។ ដោយឡែកបក្សីញីវិញ ផ្នែកពោះមានពណ៌លឿង ខាងក្រោមកន្ទុយពណ៌ស។ ជាទូទៅបក្សីនេះច្រើនរស់នៅតាមតំបន់ ព្រៃល្បោះ តំបន់វាលសួនច្បារ និងតំបន់កសិកម្ម ព្រៃកោងកាង តាមព្រៃគុម្ពោត និងតំបន់មាត់ឆ្នេរសមុទ្រ។ ចាប់កន្លងនេះ គឺជាប្រភេទបក្សីតូច ដែលស៊ីលម្អង់ផ្កា អាហារ និងធ្វើការបន្តពូជចាប់ពីខែធ្នូ ដល់ខែកញ្ញា។