ចាបកន្លង់តូចពីងពាង
ចាបកន្លង់តូចពីងពាង គឺជាឈ្មោះបក្សីមួយប្រភេទ មានមាឌតូច ចំពុះវែងកោង ក្បាលពណ៌ប្រផេះចាស់ បំពងកស ផ្នែកពោះពណ៌លឿង និងផ្នែកខ្នងពណ៌ប៉ៃតងខ្ចី។ តាមការសិក្សាស្រាវជ្រាវ បក្សីតូចនេះ ភាគច្រើនរស់នៅតាមព្រៃស្រោង ព្រៃពាក់កណ្ដាលស្រោង តាមជាយព្រៃ សួនច្បារ និងតំបន់កសិកម្ម។ ចំណែក របាយរស់នៅវិញ វាគឺជាបក្សីមួយដែលបង្ហាញខ្លួនពេញមួយឆ្នាំនិងមានគ្រប់ទីកន្លែង ហើយនឹងបន្តពូជចាប់ពីខែ តុលាដល់ខែធ្នូ។