ចាំង

ពីWiktionary

( កិ. ) ពង្រាប​សាច់​ឈើ​ដោយ​ដឹង​ជ្វា (ដឹង​សម្រាប់​ចាំង) ចាំង​ឈើ ។ ច្រាស់​ស្មៅ​ដោយ​ចប​កាប់ : ចាំង​ស្មៅ​ដោយ​ចប​កាប់; ឬ​ពង្រាប​ដី​ឲ្យ​រាប​ស្មើ : យក​ចប​កាប់​ចាំង​ដី​ឲ្យ​រាប​ស្មើ ។ល។

( កិ. ) បញ្ចេញ​រស្មី ឬ ពន្លឺ, កម្ដៅ មក​ប៉ះ​ត្រូវ : ថ្ងៃ​ចាំង​ភ្នែក; បិទ​បង្អួច​មិន​ឲ្យ​ថ្ងៃ​ចាំង ។ ចាំង​ចែង ឬ ចែង​ចាំង ចាំង​ពន្លឺ ឬ​រស្មី​ព្រាក​ៗ (ព. កា.) ។ល។

( ន. ) ឈ្មោះ​នំ​ស្អិត​មួយ​ប្រភេទ ធ្វើ​ដោយ​អង្ករ​ដំណើប វេច​ដោយ​ស្លឹក​ពក ឬ​ស្លឹក​ឫស្សី​ធំ​ៗ​ជាដើម ចង​ជា​ចង្កោម ចំហុយ​ឬ​ស្ងោរ​ឲ្យ​ឆ្អិន ជា​នំ​ស្រស់ សម្រាប់​ប្រនៀល​ឲ្យ​ជាប់​ស្ករ-ស ឬ​ជា​មួយ​នឹង​ទឹក​លាយ​ស្ករ-ស ឬ​ទឹក​ស្ករ-ស លាយ​ខ្ទិះ​ឆៅ​បរិភោគ​ជា​បង្អែម : នំ​ចាំង​វេច​ខ្ចប់​ដោយ​ស្លឹក​ពក ឬ ដោយ​ស្លឹក​ស្លា​ឈ្មោល ។