ជន្លេនក្រហម

ពីWiktionary

ជន្លេន​ក្រហម គឺ​សត្វ​ដែល​លោក អ៊ួ​ន សុផល កសិករ​រស់នៅ​ក្នុងភូមិ​ខ្ជាយ​ខាងលិច ឃុំ​សុ​ក្រំ ស្រុក​ដងទង់ ខេត្តកំពត ចិញ្ចឹម​សម្រាប់​ជា​ចំណី​សត្វ​មាន់​របស់គាត់។ កសិករ​វ័យ៥២ឆ្នាំ​រូបនេះ បានចាប់ផ្តើម​ចិញ្ចឹមសត្វ​ជន្លេន​ក្រហម​នេះ រយៈពេល៥ឆ្នាំ​មកហើយ។ ក្រៅពី​ទុកជា​ចំណី​សត្វ​ចិញ្ចឹម ជន្លេន​ក្រហម​នេះ ក៏បាន​ទាក់ទាញ​កសិករ​នៅ​ខេត្តផ្សេងៗមក​ទិញ​ជន្លេន​ពី​ពួកគាត់​ជា​ហូរហែរ យកទៅ​ធ្វើ​ពូជ​បន្តទៀត ដែល​រួមមាន​មកពី​ខេត្តស្វាយរៀង កំពត និង​ខេត្តបាត់ដំបង។ នៅក្នុង​ភូមិ​ខ្ជាយ​ខាងលិច​នេះ មានតែ​កសិករ៤រូប​ប៉ុណ្ណោះ ដែល​ចិញ្ចឹម​ជន្លេន ដើម្បី​ជា​ចំណី​របស់​សត្វ​ចិញ្ចឹម​របស់​ពួកគាត់​ដូចជា មាន់ ទា និង​ជ្រូក​ជាដើម៕