ន. ) ឈ្មោះស្ដេចស្វាមួយ ក្នុងរឿងរាមកេរ្តិ៍ ថាកើតពីក្អែលព្រះឥសូរ; ក្នុងរាមាយណៈហៅ ជាម្ពវាន ឬ ឫក្សរាជ ថាកើតអំពីទឹកព្រះនេត្រនៃមហាព្រហ្ម ដែលទ្រង់ជូត ហើយរលាស់ចោលលើផែនដី ... ។ ជម្ពូពានជាមេទ័ពស្វា ពេលមួយឥន្រ្ទជិតតាំងសិល្ប៍ដើម្បីអោយមានកម្លាំងខ្លាំង។ ពិភេកដឹងក៏ទូលព្រះរាមអោយប្រើជម្ពូពានទៅបំផ្លាញពិធីរបស់ឥន្រ្ទជិតនោះ។ ពេលទៅដល់ក្លែងជាសត្វខ្លាឃ្មុំឡើងលើដើមឈើ ហើយកាច់មែកទម្លាក់លើឥន្រ្ទជិតអោយដាច់ពិធីតាំងសិល្ប៍។ គេសម្គាល់ជម្ពូពានដោយមានសម្បុរក្រហមកាត់ដីលែងចាស់ ពាក់ក្បាំង និងហាមាត់ ក្នុងកាយវិការកំពុងហោះ។
