ជើងអាធារ
--អាធា សំ. បា. ( ន. ) (អាធារ, អាធារក “គ្រឿងគាំទ្រ, ប្រដាប់សម្រាប់រង, សម្រាប់ទ្រ ....”) ប្រដាប់សម្រាប់ទ្រគម្ពីរ : កាលពីក្នុងសម័យដែលពុំទាន់មានសាលាបាលីរបស់រាជរដ្ឋាភិបាលនៅឡើយ, ភិក្ខុសាមណេរអ្នករៀនប្រែបាលី សុទ្ធតែមានជើងអាធារតម្កល់គម្ពីររៀន ។ ប្រដាប់ប្រើប្រាស់មួយប្រភេទធ្វើពីឈើ មានជើងខ្វែងគ្នា ប្រើសម្រាប់ទ្រគម្ពីរសាស្ត្រាផ្សេងៗ។ ជើងអាធារទាបសម្រាប់ទ្រគម្ពីរសាស្ត្រាដើម្បីរៀន គេហៅថា <<ជើងអាធាររៀន>>។ ជើងអាធារខ្ពស់ច្រើនមានក្បាច់រចនាវិចិត្រផ្សេងៗ សម្រាប់ទ្រគម្ពីរសាស្ត្រា ដាក់ពីមុខគ្រែទេសន៍ ដើម្បីព្រះសង្ឃសម្ដែងធម្មទេសនា គេហៅថា <<ជើងអាធារទេសន៍>>។