បន្លែ
បន់-ល៉ែ ( ន. ) ស្លឹក, ផ្លែ, ផ្កា, មើមជាដើម សម្រាប់ស្ល : បន្លែស្រស់, បន្លែក្រៀម ។
( កិ. ) ប្រែបកស្រាយ, អធិប្បាយ (ព. បុ.) : បាបមិត្ត បន្លែថា មិត្តអាក្រក់, មិត្តខិលខូច, មិត្តនាំឲ្យវិនាស ។
( ប. ) ពាក្យសម្រាប់និយាយផ្សំនឹងពាក្យ បន្លប់ ឬ បន្លំ : បន្លែបន្លប់ គឺបន្លប់ដោយសម្ដីអធិប្បាយផ្សែផ្សំ; បន្លែបន្លំ គឺបន្លំដោយពោលពាក្យអធិប្បាយផ្សែផ្សំនាយអាយឲ្យអ្នកស្ដាប់ភ័ន្តស្មារតី ។