បម្រើ
បំ-រ៉ើ ( កិ. ) ធ្វើការតាមពាក្យដែលគេប្រើ, ចាត់ចែងអ្វីៗដែលគេត្រូវប្រើ : បម្រើមាតាបិតា, បម្រើភ្ញៀវ ។ បម្រើបម្រាស់ (ម. ព. បម្រាស់) ។ បម្រើភ្លើង (ព. ប្រ.) ដុតភ្លើងឲ្យឆេះហើយថែទាំភ្លើង ។ បម្រើរាជការ ធ្វើការជូនរាជការឬទទួលឋានន្តរជាមន្ត្រីកាន់មុខការរបស់រដ្ឋ ។ល។
( ន. ) អ្នកដែលគេប្រើ, អ្នកទទួលភារៈកិច្ចតាមបង្គាប់អ្នកប្រើ : បានចាត់បម្រើឲ្យទៅហើយ; មានបម្រើរបស់ក្រសួង...មកប្រាប់ថា... ។ រដ្ឋបម្រើ (រាត់-ឋៈ--) អ្នកបម្រើការរបស់រដ្ឋ : មន្ត្រីគ្រប់តំណែងសុទ្ធតែជារដ្ឋបម្រើ ។ ព្រះរាជបម្រើ (--ជៈ--) អ្នកបម្រើនៃព្រះរាជាគឺអ្នកដែលព្រះរាជាទ្រង់ប្រើ ។ សង្ឃបម្រើ (សង់-ឃៈ--) បម្រើរបស់ភិក្ខុសង្ឃ ។ល។ គុ. ដែល...សម្រាប់ប្រើ : គោបម្រើ ។ល។