បុនរុត្តិវិធី

repetition, répétition (អក្សរសិល្ប៍) វិធីតែងកាព្យដែលធ្វើឱ្យផ្ទួនពាក្យសម្ដី ឬ ផ្ទួនមតិដដែលៗ ដែលកវី អ្នកនិពន្ធ ប្រើដើម្បីធ្វើឱ្យមានចលនា សកម្មភាព របស់តួអង្គកាន់តែជាក់ស្ដែងឡើង។ បុនរុត្តិវិធីចែកជា៤ ប្រភេទគឺ ១-ការផ្ទួនសូរស្រៈ និង ព្យញ្ជនៈ។ ឧទាហរណ៍: [....] ខុនខែងខឹងខួនខឹងខាំ មាត់ភ្លាងង៉ាំង៉ាំ ត្របាសត្របែងផ្លែងកាំ^៥។ [...] ២-វិធីផ្ទួនពាក្យសម្គាល់លក្ខណៈ ដោយប្រើគុណនាមផ្ទួនគ្នា ឧទាហរណ៍: [....] ចិត្តគិតថាអេះ នាងនេះល្អម៉្លេះ នេះហៅល្អលន់ ត្រកាលឃើញម្ដង នេះហោងហៅបុណ្យ គ្មានស្រីណាប៉ុន ល្អពន់ប្រមាណ^៦។ [...] ៣-វិធីផ្ទួនពាក្យសម្គាល់នូវសកម្មភាពឬចលនា ឧទាហរណ៍: [...] ស្ដេចដំស្ដេចជាន់ស្ដេចធាក់ ស្ដេចច្រានស្ដេចចាក់ ស្ដេចហែក រុះរាយបោះបង់^៧។ [...] ៤-វិធីផ្ទួនគំនិតនិងបញ្ហាដដែលៗ ឧទាហរណ៍: [...] កន្លង់មាសមង្គលថ្លៃ ឆ្វៀលឆ្វាត់វិលវៃ ទ្រហឹងខ្ចាយខ្ចរ។ កន្លង់ត្រេចត្រង់កេសរ បងត្រេចចេរចរ ត្រង់ឋានប្អូនរ័តន៍។ កន្លង់មាសមង្គលក្ដាត់ ហិចហើរច្រវាត់ គ្រប់ដងសព្វសា។ កន្លង់ត្រេចត្រង់បុប្ផា បងត្រេចលីលា ដល់ឋានប្អូនស្រី។ កន្លង់មាសមង្គលថ្លៃ ច្រវាត់ឯឰ វេហាស៍នភី។ កន្លង់ត្រេចត្រង់រកភ្ញី បងត្រេចរកស្រី ស្រីមាសបវរ^៨។ [...]