ប៊្រុយសែឡា

ប៊្រុយសែឡូស ជំងឺឆ្លងដែលបង្កដោយបាក់តេរីប៊្រុយសែឡា (brucella) ស្ថិតក្នុងសន្តានប៊្រុយសែឡាសេអា (brucellaceae)។ ជំងឺនេះកើតចំពោះ គោ ក្របី ជ្រូក ចៀម ពពែ ឆ្កែ និងមនុស្ស។ ចំពោះសត្វ រោគសញ្ញាសំខាន់ៗមានដូចជារលាកសន្លាក់ រលូតកូន កូនកើតមកងាប់ ជួនកាល រស់តែមានសុខភាពខ្សោយពិការ ងាប់នៅពេលផ្ដាច់ដោះ។ ចំពោះសត្វមេ មានហូរខ្ទុះចេញពីសរីរាង្គបន្តពូជ ដំបៅស្បូន រលាក ក្រពេញដោះ។ ចំពោះសត្វបា ហើមពងស្វាស មិនរកញី។ ជំងឺនេះឆ្លងពីសត្វមកមនុស្សតាមរយៈការប៉ះពាល់ឬបរិភោគសាច់សត្វ ឬ ផលិតផលសត្វដែលផ្ទុកមេរោគឬមានជំងឺ។ brucellosis, brucellose។