ប្រមេះ
(រោគវិទ្យា, វេជ្ជសាស្ត្រ) blennorrhagia/ blennorragie --ម៉េះ សំ.; បា. ( ន. ) (ប្រមេហ, ហ > វិសគ៌ (ះ); បមេហ) ឈ្មោះរោគពិការទឹកមូត្រ គឺរោគដែលបណ្ដាលឲ្យកើតជាខ្ទុះ ឬក៏កើតជាគ្រាប់រឹងខាំងរាំងបស្សាវមគ្គឲ្យលំបាកបន្ទោបស្សាវៈ; មាន ២ យ៉ាងគឺ ប្រមេះទឹកបាយ, ប្រមេះគ្រាប់។
- កាមរោគម្យ៉ាងដែលបង្កឡើងដោយមេរោគឈ្មោះ gonocoque de Neisser ច្រើនកើតនៅលើប្រដាប់បន្តពូជមនុស្ស សត្វ។ ជំងឺនេះបណ្ដាលឱ្យមានខ្ទុះហូរចេញពីប្រដាប់បន្តពូជ ហើយអាចឆ្លងទៅដល់ទារកដែលទើបនិងកើតផងដែរ។ ឧ. ការប្រើប្រាស់ស្រោមអនាម័យអាចបង្ការរោគប្រមេះបាន។