ប្រាំង
( ន. ឬ គុ. ) ឈ្មោះរដូវក្ដៅរាំងឥតទឹកភ្លៀង; ដែលមាននៅក្នុងសម័យរាំងភ្លៀងឬទាក់ទងដោយរដូវរាំង ឥតមានទឹកភ្លៀង : រដូវប្រាំង, ខែប្រាំង ។ ស្រែប្រាំង ស្រែសម្រាប់ស្ទូងបានតែក្នុងរដូវប្រាំង ។ ស្រូវប្រាំង, ពោតប្រាំង ស្រូវ, ពោត ដែលសន្ទូង ដែលដាំក្នុងរដូវប្រាំង ។ ព. ទ. បុ. មនុស្សប្រាំង ឬ មនុស្សខែប្រាំង មនុស្សដែលកំណាញ់ស្វិតស្វាញ សូម្បីមានស្មូមមកឈរស្រែកសូមទាននៅមុខផ្ទះ ក៏ឥតដែលឲ្យទានដល់តិចតួចឡើយ (និយាយដោយកាត់ខ្លីថា : ប្រាំង, ខែប្រាំង ឬ មនុស្សរាំងភ្លៀង ឬថាត្រឹមតែ រាំងភ្លៀង ក៏បាន) ។ ខែប្រាំងរាំងឫស (ព. សា.) ខែប្រាំងរាំងក្រទាំងដីស្ងួតរាល់អន្លើ ។