ពពុះទឹក
( ន. ) ពពុះដែលកើតក្នុងសមុទ្ទ កកខះសាច់ជ្រោកស្វិតទន់ល្មួតជក់លេបទឹក សម្រាប់ជាការលុបលាងមុខជាដើម (អ្នកខ្លះហៅ ផ្សិតសមុទ្ទ) ។ ឈ្មោះថ្មវិសេសមួយប្រភេទ សាច់ផុយស្រួយ សម្រាប់ប្រើការធ្វើកន្ទុយបារីជាដើម : កន្ទុយបារីពពុះទឹក, ខ្សៀពពុះទឹក ។
- ពពុះទឹក គឺជាបក្សីមួយប្រភេទ មានរាងដូចសត្វទា ប៉ុន្តែតូចល្អិត ផ្នែកខ្នងពណ៌ប្រផេះត្នោត ចំពុះស្រួចស្ដើងមើលទៅហាក់ដូចជាគ្មានកន្ទុយ។ នៅរដូវមិនបន្តពូជ ទាំងបក្សីឈ្មោល និងញីមានថ្ពាល់ ក និងផ្នែកពោះ មានពណ៌ត្នោតខ្ចី ចំពុះលឿងខ្ចី ផ្នែកខ្នងមានពណ៌ក្រម៉ៅជាំ។ ផ្ទុយមកវិញ នៅរដូវបន្តពូជ ទាំងឈ្មោល និងញី មានបន្ទូលក្បាល កញ្ចឹងកនិងផ្នែកខ្នងមានពណ៌ខ្មៅ និងភ្នែកលឿង។ បក្សីនេះ មានគ្រប់ទីកន្លែង ជាពិសេសតំបន់ត្រពាំង បឹង និងតំបន់វាលភក់។ មុនពេលហើយម្ដងៗ បក្សីនេះទទះស្លាប ខ្លាំងៗរួចហើរពីលើផ្ទៃទឹកជាមុនសិន។ ជាទូទៅការបន្តពូជ ចាប់ផ្ដើមពីខែមេសា ដល់ខែកុម្ភៈ ដោយមានសំបុកអណ្ដែតលើទឹក ហើយមានពងចាប់ពី៣ទៅ៧ពងក្នុងមួយរដូវ៕