Jump to content
- ( កិ. ) ដាក់ព្យួរឬដាក់ថ្ពក់បន្តោក : ពាក់ឆត្រនឹងដៃកែវ ។
- លើកស៊កប្រហករាងកាយ ឬប្រដាប់តាក់តែងរាងកាយ : ពាក់អាវ, ពាក់កង, ពាក់ចិញ្ចៀន, ពាក់ទុំហូ, ពាក់មួក, ពាក់ស្រោមជើង, ពាក់ស្បែកជើង (រ. ស. ទ្រង់) ។
- ឡើងពានលើគ្នា : គោពាក់គ្នា (ព. ព.) ។
- ពាក់ខ្សែទាម ថ្ពក់ក្រវិលខ្សែទាមនឹងញួញនឹមឬនឹងគល់កាំនឹម ។ ពាក់ចែវ ស៊កក្បាលចែវក្នុងរង្វង់ចែវ ហើយលើកចែវមួលត្រឡប់ឲ្យណែនមាំ ដើម្បីនឹងចែវទូក ។ ពាក់ចំបាប់ ចាប់គៀកចំបាប់គ្នា ។ ពាក់ព័ន្ធ ព័ន្ធពាក់លើគ្នា ។ ពាក់មង រាយមងដាក់ឲ្យជាប់ត្រី ។ ពាក់អាមឹង ពោលពាក្យឈ្លានពាន ដោយប្រមាថមើលងាយដល់ហៅ អា ហៅ មឹង ដូចជានិយាយថា នែអានេះ, អាអ្ហែងដឹកគោហ្នឹងទៅឯណា ? គោហ្នឹងមឹងលួចគេទេអ៊្ហៃ ? មឹងប្រយ័ត្នណា៎ៈ ! ប្រយ័ត្នជាប់គុកវ៉ី ! (ព. សា.) ។
- ភូមិនៃឃុំយ៉ាទុង
