ពិចារណា

ដោយWiktionary

ពិចារ៉ៈណា​ឬ​ត.ទ.ស្រ. ពិចាណា សំ. បា. ( ន. ) (វិចារណា) ការ​ត្រិះរិះ, រំពឹង, គិត​គ្នេរ : ធ្វើ​ការ​ពិចារណា, សេចក្ដី​ពិចារណា ។ ខ្មែរ​ច្រើន​ប្រើ​ជា កិ. ត្រិះរិះ, រំពឹង, គិត​គ្នេរ, គ្នេរគ្នាន់ : ត្រូវ​ពិចារណា​មើល​សិន, ពិចារណា​មើល​ទោស​ខ្លួន ។ សួរ​បញ្ជាក់, ជជីក​សួរ, ឈ្លេច​សួរ : ពិចារណា​សួរ​ឲ្យ​ឃើញ​ខុស​ត្រូវ; វាយ​ពិចារណា ។

ពិចាណា ( កិ. ) ជាវ, (ទិញ, លក់) សម្ដី​សម្រាប់​បព្វជិត​ពុទ្ធ​សាសនិក​ឲ្យ​គេ​ទិញ​របស់​អ្វី​ៗ​ឲ្យ​ជា​ពាក្យ​ប្រើ​បញ្ចៀស​មិន​ឲ្យ​ចំលើ​ពាក្យ​ថា ទិញ : លោក​គ្រូ​ត្រូវ​ការ​ឲ្យ​ពិចារណា​អ្វី​ខ្លះ ? (ទាំង​អ្នក​ទិញ​និង​អ្នក​លក់​ត្រូវ​ប្រើ​ពាក្យ ពិចារណា នេះ​ដូច​គ្នា ឬ​ប្រើ​សម្ដី​ថា ជាវ វិញ​ក៏​បាន : ជាវ​បាត្រ, ជាវ​ចីវរ ។ល។ ម. ព. ទិញ, លក់ ១ កិ. និង ជាវ កិ. ទៀត​ផង) ។