ភ្ញាក់
( កិ. ) រឭកពីដេកលក់ : ភ្ញាក់ពីដេក, ដេកក្រភ្ញាក់ ។ រអើលដោយខ្លាច, ដោយស្លន់ ព្រោះមិនដឹងខ្លួនសោះ ក៏ស្រាប់តែពើបពះអារម្មណ៍ដ៏ប្លែក : ភ្ញាក់ដូចគេកន្ត្រាក់, ភ្ញាក់ដូចគេចោល ។ ភ្ញាក់កំណើត រឭកឃើញកំណើតរបស់ខ្លួនក្នុងជាតិនេះ ដែលជាមនុស្សមានសភាពយ៉ាងណា ។ ភ្ញាក់ខ្លួន ដឹងខ្លួនដូចគេភ្ញាក់ពីដេក ។ ភ្ញាក់គំនិត ដឹងច្បាស់ជាខ្លួនគិតខុស ។ ភ្ញាក់ដំណឹង ភ្ញាក់ជឿដំណឹងដែលប្លែកតែមិនពិត ។ ភ្ញាក់ផ្អើល ឬ ផ្អើលភ្ញាក់ ភ្ញាក់ដោយរអើលព្រោះដឹងហេតុដោយមិនជាក់ឬព្រោះជឿដោយស្មានៗមិនប្រាកដ ។ ភ្ញាក់រឭក នឹកឃើញសេចក្ដីខុសត្រូវរឿយៗមិនភ្លេច ។ ភ្ញាក់ស្មារតី មានស្មារតីរឭកឃើញការពិត ។ល។