មច្ឆានុ
ម័ច-ឆានុ ( ន. ) ឈ្មោះត្រីញីមួយធំ មានរូបសណ្ឋានខាងលើជាមនុស្ស ភាគខាងក្រោមជាត្រី នៅក្នុងសមុទ្រ, ជាស្ដេចត្រី មានអាយុវែងណាស់, មានអំណាចបង្គាប់ពួកត្រីធំៗក្នុងសមុទ្រឲ្យពាំជញ្ជូនដុំថ្ម ដែលហនុមានកែនរេហ៍ពលស្វា ឲ្យជញ្ជូនយកដុំថ្មពីភ្នំមកបោះទម្លាក់ចងថ្នល់ក្នុងសមុទ្រទៅកាន់កោះលង្កា : ដងនោះពានរិន្ទហនុមាន ក្រេវក្រោធឥតស្រាកស្រាន្ត ក៏ចាប់នាងមច្ឆានុបាន យកធ្វើជាប្រពន្ធគូស្នេហា... (រឿងរាមកេរ្តិ៍) ។
- នាងសុវណ្ណមច្ឆាជាកូនក្រុងរាពណ៍ នាងជាស្តេចត្រីមានខ្លួនជាមនុស្ស កន្ទុយជាសត្វត្រី។ ពេលដែលហនុមាននិងពលស្វាទាំងអស់ចងថ្នល់កាត់សមុទ្រឆ្លងទៅនគរលង្កា ហនុមានឃើញថ្មចេះតែបាត់ក៏ឆ្ងល់ ហើយបានមុជចុះទៅក្នុងទឹកឃើញនាងសុវណ្ណមច្ឆាក៏ចូលទៅសាសងរហូតស្រលាញ់គ្នា។ នាងសុវណ្ណមច្ឆាអោយពួកត្រីទាំងអស់ជួយពាំថ្មចងថ្នល់ទៅនគរលង្កា។ គេគូរនាងសុវណ្ណមច្ឆាត្រឹមពាក់កណ្តាលខ្លួនឡើងទៅលើជាមនុស្ស ពាក់ម្កុដនាងនិងគ្រឿងអល្លង្ការ ឯពាក់កណ្តាលខ្លួនចុះក្រោមជាសត្វត្រី។