មនធំ
មនធំ ជាឈ្មោះចុល្លព្រឹក្សម្យ៉ាង គេដាំយកស្លឹកប្រើជាចំណីដង្កូវនាង ធ្វើសូត្រ។ មនធំនេះ មានដើមធំ ស្លឹកធំៗ ដាំតែម្ដងរស់បានយូរឆ្នាំង។ រុក្ខជាតិនេះ មានកម្ពស់ចាប់ពី៣ ទៅ៧ម៉ែត្រ នាំពីស្រុកចិនកណ្ដាលនិងខាងលិច មកដាំគ្រប់ប្រទេសនៃអាស៊ីផ្នែកអាគ្នេយ៍ទ្វីបអ៊ឺរ៉ុប និងអាមេរិកខាងជើង។ សម្រាប់គ្រូផ្សំថ្នាំបុរាណ តែងប្រើស្លឹកមនធំនេះផ្សំថ្នាំព្យាបាលជំងឺភ្នែកក្រហម និងសំរាប់លាងដំបៅផ្សេងៗ។ សំបកជាថ្នាំកម្លាំង និងទប់មិនឲ្យរាគជាដើម៕ ដកស្រង់ពី៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន