រាម
- ( ន. ) រនាម : រាមស្ទឹង (ម. ព. រូង ផង) ។ ឈ្មោះកំពង់មាត់សមុទ្រនៅក្នុងស្រុកព្រៃនប់ខេត្តកំពត ។
- សំ. បា. ( ន. ) នាមរបស់ព្រះរាជឱរសអង្គមួយនៃព្រះបាទទសរថនិងនាងសុមិត្រា (ក្នុងរឿងរាមកេរ្តិ៍) : ព្រះរាម (រាមចន្រ្ទ) ។
- អតីតសង្កាត់នៃខណ្ឌព្រៃនប់
- ឃុំនៃស្រុកព្រៃនប់
- ភូមិនៃឃុំរាម
ព្រះរាម ជាបុត្ររបស់ព្រះបាទទសរថហើយជាស្វាមីរបស់ព្រះនាងសីតាដែលត្រូវក្រុងរាពណ៍ចាប់យកទៅនគរលង្ការ។ ក្នុងសាច់រឿងទាំងមូលនៃរឿងរាមកេរ្តិ៍ គឺការធ្វើដំណើររបស់ព្រះរាមទៅរកនាងសីតាតែងមានជំនួយពីទ័ពស្វានិងសេនាផ្សេងៗ។ ព្រះរាមមានរូបរាងជាមនុស្ស ហើយគេកំណត់ថាព្រះរាមមានសម្បុរបៃតងពាក់ម្កុដនាយរោង ម្យ៉ាងទៀតព្រះរាមជាអវតារបស់ព្រះនារាយណ៍។ រូបនេះបង្ហាញអំពីកាយវិការព្រះរាមកំពុងផ្លែងសរ។