រាំង

( កិ. ) បិទខ្ទប់,បាំងខ្ទប់, ឃាំង : រាំងទ្វារ, រាំងផ្លូវ ។ រាំងដំណើរ បិទឬឃាត់ដំណើរ ។ រាំងមុខ ឃាំងឬ បាំងចំពីមុខ ។ រាំងរា ឬ រារាំង (ម. ព. រា) ។ល។
( កិ. ) ឈប់លែងធ្លាក់ភ្លៀង, អស់ភ្លៀង; គ្មានភ្លៀង : ភ្លៀងតែមួយឈូរាំងធេង !; ពេញមួយខែហើយរាំងគ្មានភ្លៀងមួយតំណក់ ។ ព. ប្រ. រាំងខែ ឬ រាំងរដូវ ឈប់មិនធ្លាក់រដូវ, គ្មានរដូវ (នៃស្ត្រី) ។ រាំងភ្លៀង (ម. ព. ប្រាំង) ។ រាំងរឹះ (ម. ព. រឹះ) ។ល។
( ន. ) ឈ្មោះឈើ, មាន ២ ប្រភេទគឺ រាំងភ្នំ ឈើធំមួយប្រភេទ ដុះក្នុងព្រៃភ្នំឬព្រៃទួលធំៗ ជាឈើមានខ្លឹមជាប់ធន់បានយូរ សម្រាប់ប្រើការធ្វើគ្រឿងគ្រឹហា, ជាគូគ្នានឹងផ្ចឹក, គេច្រើននិយាយថា ផ្ចឹករាំង គឺផ្ចឹក និងរាំងភ្នំ; រាំងអន្លក់ ឈើរនាមមួយប្រភេទ ស្លឹកខ្ចីប្រើជាអន្លក់ឬរបោយ មានរសចត់ : អន្លក់រាំង, របោយត្រួយរាំង ។Reang Share on twitterShare on google_plusone_shareMore Sharing Services [ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]

0

  Print រូបភាព

រាំង គឺជាប្រភេទរុក្ខជាតិម្យ៉ាង ដែលមានកម្ពស់ចាប់ពី ៨ ទៅ១៥ ម៉ែត។ ដើមរុក្ខជាតិនេះ ដុះក្នុងព្រៃមាត់សមុទ្រ ឬលើទូល ដែលមានជាតិកំបោរជិតសមុទ្រ។ ដើមរាំង មានដុះនៅក្នុងប្រទេស ដែលមានអាកាសធាតុក្ដៅក្នុងសកលលោក។ វាក៏ជារុក្ខជាតិដែល គេអាចយក ស្លឹកខ្ចីៗធ្វើអន្លក់បរិភោគ ។ ដើមរាំង មិនសូវជាប់ល្អទេ តែគេអាចប្រើធ្វើរោងបណ្ដោះអាសន្នបាន។ សម្រាប់ គ្រូផ្សំថ្នាំបុរាណ គេយក ស្លឹក សំបក និងផ្លែ មកធ្វើជាឱសថ ព្យាបាលជម្ងឺឈឺក្បាល និងបណ្ដេញសប្តិអាក្រក់។

ភូមិនៃឃុំជង្រុក