រួម
( កិ. ) ផ្សំបញ្ចូលគ្នា; ចូលគ្នា; ប្រមូលឲ្យមូលគ្នា; មូលមួយនឹងគ្នា : រួមសេចក្ដី; ដាក់រួមគ្នា, ធ្វើការរួមគ្នា ។ រួមគំនិត, រួមចិត្ត ចូលគំនិតគ្នា ។ រួមដៃគ្នា ចូលដៃគ្នា ។ រួមដំណេក, រួមដំណេកបង្គុយ រួមបវេណី ធ្វើមេថុនសេវនៈ ។ រួមរ័ក (ស. រ្វ់មរ័ក អ. ថ. រួមរ៉ាក់ “រួមស្រឡាញ់”) រួមសេចក្ដីស្រឡាញ់ គឺរួមស្នេហារបស់បុរសស្ត្រី ។ រួមរក្ស ឬ--រក្សា រួមគ្នារក្សា, ជួយរក្សាគ្នា ។ រួមសុខទុក្ខ រួមចិត្តគំនិតទទួលសុខទុក្ខផងគ្នា (ច្រើននិយាយតែពីស្វាមីភរិយា); ប្រើសំដៅសេចក្ដីថា “រួមបវេណី” ក៏មាន ។ រួមសំវាស (--ស័ងវ៉ាស) រួមលំនៅ, រួមកិច្ចការ; រួមសង្ឃកម្ម (សម្រាប់បព្វជិត); នៅរួមគ្នា (របស់ស្វាមីភរិយា); រួមបវេណី ។ រួមស្នេហា ស្រឡាញ់គ្នាស្មើចិត្ត (របស់បុរសស្ត្រី) ។ល។