រៀង
( កិ. ឬ កិ. វិ. ) ដាក់តាមលំដាប់; ធ្វើឲ្យត្រូវលំដាប់, ឲ្យត្រូវរបៀប, ឲ្យត្រូវជួរ, ឲ្យជាជួរ : រៀងលេខ, ដាក់រៀងគ្នា, ឈររៀងគ្នា, ដើមឈើដុះរៀងគ្នា ។ ប្រែរៀងសេចក្ដី ប្រែពីភាសាមួយមកជាភាសាដទៃរៀងសេចក្ដីមិនឲ្យលើសមិនឲ្យខ្វះ ។ ដែលតៗគ្នាតាមលំដាប់; ដរាប : រៀងតាមផ្លូវ; តែងមានរៀងមក ។ រាល់, សព្វ, គ្រប់ : រៀងខ្លួន រាល់ខ្លួន, សព្វខ្លួន ។ រៀងរាល់ថ្ងៃ រាល់ថ្ងៃជាដរាប ។ រៀងរាប រៀងដរាប ។ រៀងរាយ រាយតាមលំដាប់ ។ គុ. លេខរៀង លេខដែលរៀងតាមលំដាប់ ។ល។