រៀល

ពីWiktionary

( កិ. ) ភ្លាត់​កៃ, ភ្លាត់​គន្លឹះ, ជ្រុល​រអិល​ទៅ : កៃ​កាំភ្លើង​រៀល ។ គុ. ដែល​មាន​ចួន​រណ្ដំ​ពី​មួយ​ទៅ​មួយ​ត​ៗ​គ្នា​រាល់​ឃ្លា : ពាក្យ​រៀល, ដូច​ជា : ចេះ​មិន​ឈ្នះ​ចង់, ត្រង់​មិន​ឈ្នះ​ទាល់, កល​មិន​ឈ្នះ​គិត, ឫទ្ធិ​មិន​ឈ្នះ​រោគ, លោក​មិន​ឈ្នះ​លាញ, ទាញ​មិន​ឈ្នះ​ទៅ, នៅ​មិន​ឈ្នះ​នាង, រាង​មិន​ឈ្នះ​រាគ, លាក​មិន​ឈ្នះ​លោភ, ល្មោភ​មិន​ចេះ​ល្មម, ព្រម​មិន​ឈ្នះ​ព្រេង (ពាក្យ​ឧកញ៉ា​សុត្តន្ត​ប្រីជា អិន បាត់ដំបង; មាន​អត្ថន័យ​រាក់​ៗ​ដែរ​ទេ) ។

ស.សំ.; បា. ( ន. ) (ហ្រើ្យញ ឬ ហ្រេ្យញ អ. ថ. ហ្រៀន; ល. ហ្យ្លន អ. ថ. ហ្លៀន; ហិរណ្យ; ហិរញ្ញ “ប្រាក់; មាស​ប្រាក់; ទ្រព្យ”) ប្រាក់​សណ្ឋាន​មូល​សំប៉ែត មាន​រូប​និង​អក្សរ​ជា​សម្គាល់ បោះ​សម្រាប់​ប្រើ​ចាយ​ក្នុង​នានា​ប្រទេស មាន​តម្លៃ​ឡើង​ចុះ​មិន​ទៀង; ប៉ុន្តែ​ក្នុង​ប្រទេស​ឥណ្ទូចិន​មាន​តម្លៃ ១០០ សេន​ជា​កំណត់ : ប្រាក់​រៀល, អាវ​នេះ​ថ្លៃ​ ៥ រៀល ។ សូម្បី​ធន​បត្រ​តម្លៃ ១០០ សេន ដែល​ប្រើ​ចាយ​ជា​ជំនួស​សាច់​ប្រាក់​ក្នុង​សម័យ​នេះ ក៏​ហៅ​ថា រៀល ដែរ : ធន​បត្រ ១ រៀល, ធន​បត្រ ៥ រៀល ។

( ន. ) ឈ្មោះ​ត្រី​ស្រកា​មួយ​ប្រភេទ មាត្រ​តូច​សម្បុរ-ស រាង​ខ្លី​សំប៉ាត ជា​ពួក​ត្រី​លេញ : ផ្អក​ត្រី​រៀល ។