លើស
( កិ. ) ហួស, កន្លង : ចេះឥតមានអ្នកណាលើស ។ និ. ដែលហួសប្រមាណ, ហួសពីចំនួន, កន្លង, ក្រៃលែង : ច្រើនលើស, ល្អលើសគេ, មានទ្រព្យលើសគេ ។ លើសខ្វះ លើសឬខ្វះ, លើសខ្លះខ្វះខ្លះ ។ លើសប្រមាណ ហួសប្រមាណ ។ លើសមាត្រ ហួសមាត្រ, លុបមាត្រ : ខ្លាំងលើសមាត្រ ។ លើសមាត្រា ហួសខ្នាត, លើសប្រមាណ; ហួសកម្រិតច្បាប់ ។ លើសលន់ លើសក្រៃ, លើសក្រៃពេក ។ លើសលស់ លើសខ្វះ, មិនសព្វគ្រប់; ឆ្គាំឆ្គង, ឃ្លាតឃ្លៀងល្អៀងពីច្បាប់, ពីបែបបទ ។ លើសលុប (--លប់) លើសហួសកំណត់, ហួសប្រមាណ ។ លើសលែង ក្រៃលែង; ពន់ពេក ។ លើសវិស័យ ហួសវិស័យ ។ លើសសម័យ កន្លងសម័យ ។ល។