វត្ថ
វ័ត-ថៈ បា.; សំ.; សំ. ក្ល. ( ន. ) (វស្រ្ត; ពស្រ្ត ) សំពត់ ។ ប្រើផ្សំនឹងសព្ទដទៃដូចជា: វត្ថកោដ្ឋាគារ (បា. < វត្ថ + កោដ្ឋ “ឃ្លាំង; ជង្រុក”+ អគារ “ផ្ទះ”) ឃ្លាំងសំពត់ ។ វត្ថទាន ការឲ្យសំពត់ (ឲ្យទានសំពត់) ។ វត្ថបរិភោគ ឬ វត្ថភោគ ការប្រើប្រាស់សំពត់ (ការស្លៀកដណ្ដប់) ។ វត្ថលាភ ការបានសំពត់ ។ល។ វត្ថាភរណៈ (វ័ត-ថាភៈរៈណៈ; បា. < វត្ថ + អាភរណ) សំពត់និងអាភរណៈ (គ្រឿងអម្ពរ) ។ វត្ថាលង្ការ (វ័ត-ថា លុ័ង-កា; បា. < វត្ថ + អលង្ការ) សំពត់និងអលង្ការ (គ្រឿងប្រដាប់ខ្លួន) ។ល។