វារិ
សំ. បា. ( ន. ) ទឹក (ខ្មែរច្រើនប្រើក្លាយជា វារី) ។ វារិគ័ភ៌ ឬ វារិធរ មេឃ, ពពក ។ វារិគោចរ, វារិចរ សត្វទឹក, មច្ឆជាតិ ។ វារិជជាតិ (--ជៈជាត) ឬ វារិជាត អ្វីៗដែលដុះក្នុងទឹក; សត្វទឹក ។ វារិធានី ធុងទឹក, ឃ្លាំងទឹក ។ វារិធិ ឬ វារិនិធិ សមុទ្រ, សាគរ ។ វារិបថ, --មគ្គ ឬ --មាគ៌ា (--បត់, --ម័ក ឬ --មារ-គា) ផ្លូវទឹក ។ វារិពិន្ទុ តំណក់ទឹក ។ វារិមសិ (--មៈ--) កករទឹក; មេឃ, ពពក ។ វារិយន្ត្រ (--យន់) គ្រឿងស្រូបទឹក, ស្នប់ទឹក; ម៉ាស៊ីនទឹក (?) ។ វារិយាន ឬ វារិរថ (--រត់) នាវា (គ្រប់យ៉ាង) ។