វេទាង្គ
--ទាង-គៈ ឬ--ទាង សំ.; បា. ( ន. ) (< វេទ + អង្គ “ចំណែក”; វេទង្គ) អង្គ, ចំណែករបស់វេទគឺច្បាប់សម្រាប់រក្សាវេទឲ្យគង់នៅគ្រប់គ្រាន់, មាន ៦ យ៉ាងគឺ៖
- ១-ការហាត់ថាឬហាត់និយាយបញ្ចេញសម្តីឲ្យច្បាស់លាស់;
- ២-ភាគពិស្តាររបស់គម្ពីរ ឬការសិក្សាសេចក្ដីពិស្តារ;
- ៣-គម្ពីរវេយ្យាករណ៍ ឬការសិក្សាវេយ្យាករណ៍ដោយសព្វគ្រប់;
- ៤- ឆន្ទសាស្រ្តឬសិក្សាឲ្យចេះលក្ខណៈរបស់ឆន្ទ;
- ៥- ទ្យោតិសាស្រ្ត ឬការសិក្សាឲ្យចេះទ្យោតិសាស្រ្ត;
- ៦- គម្ពីរអធិប្បាយសព្ទ ឬរៀនអធិប្បាយសព្ទ ក្នុងវេទទាំងមូល (តាមលទ្ធិព្រាហ្មណ៍) ។