វ៉ាន់ស៊ុយ
ចិ. ( ន. ) (អ្វានស៊ុយ ឬ អួនស៊ុយ) ឈ្មោះដំណាំតិណជាតិ មានក្លិនក្រអូបឆួល ប្រើជាគ្រឿងផ្សំជាជំនួយម្ហូបមុខខ្លះ ឬបបរគ្រឿងឲ្យមានរសឆ្ងាញ់, មាន ២ ប្រភេទគឺ មួយប្រភេទស្លឹកល្អិតទន់ស្រួយ, មួយប្រភេទទៀតស្លឹកធំទ្រវែងសាច់ស្វិតបន្តិច (ទាំង២ប្រភេទនេះដើមកំណើតមកពីប្រទេសចិន) : ហាន់វ៉ាន់ស៊ុយជ្រក់ត្រីស្ងោរ ។ (Coriander): តិណជាតិម្យ៉ាងមានដើមតូចឆ្មារនិងស្លឹកឆែកៗ ហើយមានសភាពទន់ មានក្លិនក្រអូបប្រហើរ ប្រើជាគ្រឿងទេស សម្រាប់យកក្លិនឬលម្អម្ហូបអាហារ ។ អ្នកខ្លះហៅថា «អ្វាន់ស៊ុយ ឬ អួនស៊ុយ» ។