សម្ព័ន្ធវិទ្យា
syntax, syntaxe ផ្នែកមួយនៃវេយ្យាករណ៍ ដែលក្នុងនោះ សទ្ទតាវិទ្យានិងវចនវិទ្យា ជាផ្នែកពីរផ្សេង។ សម្ព័ន្ធវិទ្យាសិក្សាអំពីវិធីចងក្រងពាំក្យឱ្យទៅជាល្បះ ដែលក្នុងនោះ ប្រភេទពាក្យឥតមានលំដាប់ដូចគ្នាទេ ពីភាសាមួយទៅភាសាមួយ: -ប្រភេទពាក្យ និង មុខងារវាក្នុងល្បះខ្មែរមានលំដាប់ប្រហាក់ប្រហែលនឹងលំដាប់ក្នុងល្បះនៃភាសាមួយចំនួន មានបារាំង ឬ អង់គ្លេស ជាដើម, ឧទាហរណ៍:
- ល្បះខ្មែរ: គាត់ស្រឡាញ់កញ្ញាបុប្ផា,
- ល្បះបារាំង: Il aime Mademoiselle Bopha.
-ប្រភេទពាក្យ និង មុខងារវាក្នុងល្បះនៃភាសាម៉ាល់ហ្កាស (នៅក្នុងក្រុមភាសាឥណ្ឌូណេស៊ី) មានលំដាប់ដូចខាងក្រោម:
- Miteny anglisy aho.
parle anglais je. -ចំពោះភាសាមួយចំនួនទៀត ប្រភេទពាក្យមានលំដាប់និងមុខងារក្នុងល្បះផ្សេងៗគ្នា (ភាសាបាស្ក (basque) ប្លែកពីភាសាខ្លះទៀត, ...)។ បើគេពិនិត្យមើលសម្ព័ន្ធពីភាសាមួយទៅភាសាមួយ គឺគេសិក្សាអំពីសម្ព័ន្ធវិទ្យាទូទៅ។ បើគេសិក្សាអំពីសម្ព័ន្ធវិទ្យារបស់ភាសាណាមួយ សម្ព័ន្ធវិទ្យាមានឈ្មោះថា សម្ព័ន្ធវិទ្យានៃភាសានោះឯង។ ដោយសម្ព័ន្ធវិទ្យាសិក្សាអំពីល្បះ និង ដោយល្បះមានច្រើនប្រភេទដូច្នេះ សម្ព័ន្ធវិទ្យាត្រូវសិក្សាអំពីប្រភេទល្បះ អំពីវាចកៈ។ល។