សាមី

ដោយWiktionary
Jump to navigation Jump to search

--ម៉ី បា.; សំ. ( ន. ) (ស្វាមិន៑) ម្ចាស់, ម្ចាស់​របស់; ប្តី; ចៅហ្វាយ, នាយ ។ សាមី​ការ ម្ចាស់​ការ, អ្នក​ដើម​ការ ។ សាមី​ខ្លួន ឬ សាមី​រូប ម្ចាស់​ខ្លួន, ខ្លួន​គេ ។ សាមី​ជន ជន​ជា​ម្ចាស់​របស់​អ្វី​មួយ; ជន​ដែល​បាន​នូវ​មុខ​តំណែង, នូវ​យស​សក្ដិ​ជាដើម ដោយ​មាន​លិខិត​ជា​សំអាង ។ សាមី​ទាន ទាន​ដែល​ជា​ម្ចាស់​លើ​អស់​ទ្រព្យ, ទាន​ដ៏​ឧត្តម ។ សាមី​បរិភោគ (បា. សាមិ--) ការ​បរិភោគ​ចតុប្បច្ច័យ ដោយ​បាន​ពិចារណា​តាម​លំអាន​បច្ចយ​សន្និស្សិត​សីល​ឥត​ខ្វះ​ចន្លោះ (ព. វិ. ពុ.) ។ សាមី​បុណ្យ ម្ចាស់​បុណ្យ, អ្នក​ដើម​បុណ្យ ។ សាមី​ភ័ក្តិ ឬ ស្វាមី​ភ័ក្តិ សេចក្ដី​ស្រឡាញ់​ស្មោះ​ត្រង់​ចំពោះ​ម្ចាស់, ចំពោះ​ចៅហ្វាយ​នាយ ឬ​ចំពោះ​ប្តី ។ សាមី​ភគិនី (បា. សាមិ--) បង​ស្ត្រី​ឬ​ប្អូន​ស្ត្រី, ចំពោះ​ចៅហ្វាយ​នាយ ឬ​ចំពោះ​ប្តី ។ សាមី​ភគិនី (បា. សាមិ--) បង​ស្រី​ឬ​ប្អូន​ស្រី​របស់​ប្តី ។ល។

--ម៉ី បា. ( អា. និ. ) ឈ្មោះ​អាយត​និបាត​ពួក​ទី ៦ មាន​ពាក្យ​ប្រើ​ថា នៃ, របស់, ផង ... ដូច​ជា ផ្ទះ​នៃ​ខ្ញុំ, សេះ​របស់​ខ្ញុំ, គោ​ផង​ប្អូន​ខ្ញុំ; ហៅ សាមី​សម្ពន្ធ ក៏​បាន (ព. វ.) ។