សុភា
( ន. ) (ពាក្យប្រើក្លាយមកពី សភា “ទីប្រជុំពិភាក្សាកិច្ចការ, ទីតុលាការ”) អ្នកពិភាក្សាក្តី ។ ឋានន្តរចៅក្រមខាងតុលាការ ជាអ្នកពិភាក្សាក្តី; ក្នុងរជ្ជកាលពីដើម មានមុខការរួមចូលជាមួយនឹងរាជការរដ្ឋបាលផង, ក្នុងខែត្រមួយៗ មានចៅហ្វាយស្រុកម្នាក់, បាឡាត់ស្រុកម្នាក់, សុភាម្នាក់, យោក្ប័ត្រម្នាក់; បើខែត្រធំ មានសុភាពីរនាក់ (ឆ្វេងស្ដាំ), ចួនកាលមានបាឡាត់ស្រុកពីរនាក់ (ឆ្វេងស្ដាំ) ដែរ, ក្នុងរជ្ជកាលសព្វថ្ងៃនេះចែកមុខការសុភាដាច់ស្រឡះមកខាងតុលាការហៅថា សុភាចារបុរស មាននាទីជាអ្នកពិភាក្សាក្តី និងការស៊ើបពិនិត្យដំណើរក្តី ហៅកាត់ពាក្យខ្លីត្រឹមតែ សុភាៗ ដូចពីដើមដែរ : លោកសុភា (បុរាណព្រេងនាយ ហៅ សុភាតុលាការ) ។