សេដ្ឋ
សេត-ឋៈ បា.; សំ. ( គុ. ) (ឝ្រេឞ្ឋ) ប្រសើរផុត, ប្រសើរលើសលន់; ឧត្តម, ឧដុង្គឧត្តម, ខ្ពង់ខ្ពស់ ។ សេដ្ឋកម្ម ឬ សេដ្ឋកិច្ច ការឬកិច្ចការប្រសើរផុត; មុខរបរដ៏ឧត្តម, មុខការរបរដែលមានប្រយោជន៍ដ៏សំខាន់ក្នុងប្រទេសនីមួយៗ : សេដ្ឋកិច្ចជាតិ ។ សេដ្ឋការ អ្នកធ្វើសេដ្ឋកម្មឬសេដ្ឋកិច្ច (បើស្ត្រីប្រើជា សេដ្ឋការិកា) ។ សេដ្ឋធន (--ធន់) ទ្រព្យឧត្តម ។ សេដ្ឋពាណិជ អ្នកជំនួញឯក ។ សេដ្ឋភណ្ឌ (--ភ័ន) របស់ឧត្តម ។ល។ សេដ្ឋា, សេដ្ឋោ, សេដ្ឋំ (សេត-ឋ័ង) ប្រសើរផុត (ព. កា.) : បុរសសេដ្ឋោ ស្ត្រីសេដ្ឋា នៅក្នុងរដ្ឋណា រដ្ឋនោះសេដ្ឋំ អាចជួយសព្វគ្រប់ ទប់រដ្ឋឲ្យខ្លាំង ពុំសូវមានខ្មាំង ហ៊ានមើលងាយឡើយ ។