សំខ្យា
ស័ង-ខ្យា សំ. បា. ( ន. ) ការរាប់; ចំនួនដែលត្រូវរាប់, លេខប្រាប់ចំនួន; ឈ្មោះ; ការត្រិះរិះ, តម្រិះ, ការរំពឹងរកហេតុរកផល; គំនិត ។ សំខ្យាសព្ទ ឬ សង្ខ្យាសព្ទប្រាប់ចំនួននាមនាម; មាន ២ យ៉ាងគឺ បកតិសំខ្យា ការរាប់ចំនួនរាយ តាំងពី ១, ២, ៣, ៤, ៥, ដល់អសំខេយ្យ; បូរណសំខ្យា ការរាប់ចំនួនដែលជាថ្នាក់, ជាជាន់, ជាទី ដូចជា ទី១, ទី២, ទី៣, ទី៤, ទី៥,... ឬថា គម្រប់, ជាគម្រប់ ក៏បាន ប្រើបានពីត្រឹម គម្រប់ ២, គម្រប់, ជាគម្រប់៣ ជាដើមទៅ, ប្រើថា គម្រប់ ១ មិនបានទេព្រោះពុំទាន់មានចំនួនណាមកបង្រ្គប់នៅឡើយ, ត្រូវប្រើថា ដំបូង ឬ ជាដំបូង ឬថា ជាប្រថម ក៏បាន ។ សង្ខ្យា