ស្ត្រិបតូកុកកូសជ្រូក

streptococcus in swine, streptocoque ជំងឺបង្កដោយបាក់តេរីស្ថិតក្នុងសន្តានស្ត្រិបតូកុកកូកាសេអា (streptococcaceae) ពួកស្ត្រិបតូកុកគូស (streptococcus) ប្រភេទស្ត្រិបតូកុកគូស ស៊្វីស (streptococcus suis) ជាបាក់តេរីក្រាមបូក ចែកជាច្រើនសេរ៉ូទីប។ សេរ៉ូទីបដែលធ្វើឱ្យជ្រូកឈឺងាប់ មានពីរប្រភេទគឺ streptococcus suis ប្រភេទទី១ និង ប្រភេទទី២។ ប្រភេទទី១ កើតចំពោះកូនជ្រូកទើបកើតដល់អាយុ ៨ សប្ដាហ៍ចំណែកប្រភេទទី២ កើតចំពោះជ្រូកធំ។ រោគសញ្ញា មានដូចជា ឡើងកម្ដៅខ្លួនពី៤១ ទៅ៤២^oC មិនស៊ីចំណី មិនសូវធ្វើចលនា ពិបាកងើបឈរដោយសាររលាកសន្លាក់ ឈឺសន្លាក់ មានរោគសញ្ញាសរសៃប្រសាទ ប្រកាច់ ខ្វាក់ ថ្លង់ មេផើមអាចរលូតកូន រលាកស្រោមខួរ ហើមសួត រលាក ភ្នាសនិងសាច់ដុំបេះដូង និង រលាកសាច់ដុំខួរក្បាល។