ស្រាក់
( កិ. ) ដាក់តម្រួតៗលើគ្នាចងរុំឬចងរួតរឹត : ស្រាក់ស្ករផែន, ស្រាក់ចាន ។ ចងរុំប្រទាក់ឆ្វាក់ឲ្យណែន : ស្រាក់ដៃនឹងចូលដាល់ ។
( ន. ) អ្វីៗដែលដាក់តម្រួតៗលើគ្នាចងរុំឬចងរួតរឹត : ស្ករមួយស្រាក់, ចានពីរស្រាក់ ។ ឈ្មោះចានមួយប្រភេទមានត្រចៀកទាំងពីរខាងសម្រាប់ស៊កដាក់តម្រួតលើគ្នាក្នុងដៃយួរ : ម្ហូបមួយចានស្រាក់ ។ គុ. ដែលចងជាស្រាក់ : ស្ករស្រាក់ ស្ករផែនដែលដាក់តម្រួតៗគ្នាខ្ចប់ដោយស្លឹកត្នោតចងរុំ ។
- (រង្វាស់រង្វាល់) ខ្នាតឯកតាខ្មែរពីបុរាណដែលដាក់អ្វីៗតម្រួតលើគ្នា ហើយចងរុំឱ្យនៅក្នុងដុំតែមួយដូចជាស្ករផែនឬចាន ជាដើម។ ចំពោះស្រាក់ស្ករផែន គេខ្ចប់ចងរុំដោយស្លឹកត្នោតមាន ១០ ផែនឬ២០ផែន ឬ ក៏ច្រើនជាងនេះ ហៅមួយស្រាក់។ រីឯចានវិញ គេចងរុំចំនួន ១០ ឬ ចំនួន១២ ហៅមួយស្រាក់ដែរ។ ឧ. ស្ករផែនពីរស្រាក់, ចានបីស្រាក់។