ហានិភ័យ

risk, risque ហេតុឬបញ្ហាប្រឈមផ្សេងៗដែលអាចនាំឱ្យបាត់បង់ ឬខូចខាត នូវបុរាណវត្ថុសិល្បៈ ប្រាសាទបុរាណនិងស្ថានីយបុរាណវិទ្យា។ ឧ. ជណ្ដើរថ្មភក់នៃប្រាសាទភ្នំបាខែងទទួលរងហានិភ័យដោយកត្តាធម្មជាតិ ដូចជាទឹកភ្លៀងហូរច្រោះ ឫសឈើដុះចាក់ និង មនុស្សដើរឡើងចុះជាន់ផ្ទាល់។

ក្នុងវេជ្ជសាស្រ្ត ហានិភ័យ (risk of developing a disease or risk factor for a disease) គឺហេតុ ឬបញ្ហាប្រឈមផ្សេងៗ ដែលអាចនាំឲ្យខូចសុខភាព ឬកើតមានជំងឺ។ ឧ. ការហូបអំបិល ឬអាហារដែលមានជាតិប្រៃច្រើនជ្រុល ជាហានិភ័យនៃជំងឺក្រពះ។ ឯការហូបស្ករ ឬអាហារដែលមានជាតិផ្អែមច្រើនជ្រុល អាចបង្កើនហានិភ័យនៃការកើតជំងឺទឹកនោមផ្អែម។ Eating too much sugar increase risk of getting diabetes.