អកត្រីធំ
អកត្រីធំ គឺជាឈ្មោះបក្សីមួយប្រភេទ នៅពេលពេញវ័យ មានរាងស្រដៀងអកត្រីក្បាលប្រផេះដែរ តែមាឌធំជាង សំបុរត្នោតចាស់ ក្បាលប្រផេះ គល់កន្ទុយអង្កន់សធំ និងចុងកន្ទុយពណ៌ខ្មៅ។ ប៉ុន្តែពេលមិនទាន់ពេញវ័យ ក្បាល ដើមទ្រូង ពណ៌ប្រផេះក្រម៉ៅ កន្ទុយខ្មៅ ក្រោមស្លាបមានឆ្នូតសកណ្ដាលស្លាប និងដៅសមួយដុំនៅស្លាបទី១ និងគែមស្លាបផ្នែកខាងក្រោមពណ៌ត្នោត។ បក្សីនេះគឺជាប្រភេទបក្សីខ្ចាត់ព្រាត់ មិនសូវបង្ហាញវត្តមាន និងជាប្រភេទបក្សីកម្រ ច្រើនរស់នៅទំនាបលិចទឹក បឹងធំៗ និងទន្លេ។ ចំពោះរដូវបន្តពូជវិញគឺចាប់ពីខែ តុលាដល់កុម្ភៈ៕