អច្ឆរិយរស

(អក្សរសិល្ប៍) the marvellous, le merveilleux តម្លៃដែលមាននៅក្នុងអត្ថបទអក្សរសិល្ប៍ ដោយកវី អ្នកនិពន្ធ ចេះលើកយកតួអង្គអរូបី (ទេវៈ យក្ស ខ្មោច ព្រាយ បិសាច ....) តួអង្គសត្វឬសកម្មភាពអស្ចារ្យផ្សេងៗមកបញ្ចូលក្នុងស្នាដៃរបស់ខ្លួន ដើម្បីធ្វើឱ្យដំណើររឿងមានលក្ខណៈអស្ចារ្យហួសពីការពិត ដូចជាតួអង្គចេះជ្រែកទឹកជ្រែកដី ហោះហើរ ដើរលើអាកាសបែងភាគ កាឡាខ្លួន...។ ឧ.: នៅរឿងកាកី គន្ធ័នបានកាឡាខ្លួនជាស្រមើលហើយតោងរោមគ្រុឌ [...] យាត្រាត្រង់ព្រះជ្រៃ គន្ធ័នវៃវៀងសំដៅ លបលាក់ដើរតាមទៅ មើលដំណើរនៃគ្រុឌា។ ដើរដល់ដើមព្រះជ្រៃ ប្រែប្រាណវៃវិលវឹងជា ក្រុងគ្រុឌរាជបក្សា គន្ធ័នសោតនិម្មិតអង្គ។ ជាស្រមើលទំនា រោមគ្រុឌាឫទ្ធីរង្គ ស្ទុះហោះហើរពុំផ្សង សំដៅដល់ដើមសិម្ពលី។[...]