អាការ
--រ៉ៈ ឬ-ការ ឬក៏ កា សំ. បា. ( ន. ) គ្រឿងសម្គាល់, លក្ខណៈជាគ្រឿងសម្គាល់, ជាគ្រឿងសង្កេត; រូបរាង, ទ្រង់ទ្រាយ; ភិនភេទ, ភិនភាគ; វិធី, បែបបទ, បែបភាព, លំនាំ; ទំនង; ឫកពា, កិរិយា; សភាព; គុណសម្បត្តិ : អាការរោគ, ចេញអាការឲ្យដឹងថាល្អឬអាក្រក់ ។ ចំណែកឬអវយវៈតូចធំរបស់រូបកាយ : បព្វជិតគួរពិចារណាអាការ ៣២ មានសក់, រោម, ក្រចក, ធ្មេញ, ស្បែកជាដើមឲ្យឃើញជាក់ច្បាស់ថាជាបដិកូល ។ អាការកិរិយា ឫកពាកិរិយា, លំនាំសមសារ ។ អាការសណ្ឋាន ទ្រង់ទ្រាយជាគ្រឿងសម្គាល់, បែបភាពច្បាស់លាស់ : មានអាការសណ្ឋានល្មមឲ្យស្គាល់បាន ។ល។