អុត
( ន. ) ឈ្មោះរោគពួកមួយ មាន ៣ ប្រភេទគឺ អុតក្តាម អុតដែលកើតនៅស្បែកមនុស្សចេញក្រហមផេរស្រដៀងនឹងកញ្រ្ជឹល ។ អុតធំ អុតដែលកើតព្រោះពេទ្យជោះឬកើតឯង; ដែលកើតឯងហៅថា អុតព្រៃ ជាជំងឺឆ្លង មានអានុភាពក្លាខ្លាំង អាចញ៉ាំងមនុស្សអ្នកកើតឲ្យវិនាសជីវិតក៏មាន, ឲ្យពិការអវយវៈមានខ្វាក់ភ្នែកជាដើមក៏មាន, ឲ្យមានស្នាមរទុះត្រង់មុខឬសព្វសព៌ាង្គកាយក៏មាន (ហៅដោយបញ្ចៀសថា ផ្កាឈើ, កើតផ្កាឈើ) ។ អុតព្រៃនេះមានឈ្មោះផ្សេងគ្នាតាមលក្ខណសណ្ឋានដែលកើតគឺ អុតបាយ, ផ្លែភ្លាំង, ក្រោះរមាស ជាដើម ។ អុតស្វាយ អុតពួកអុតក្តាមដែរ ប៉ុន្តែដោរធំៗ មានសម្បុរស្វាយក្រមៅ ។ មុខអុត មុខដែលមានស្នាមអុត ។ល។ (ព. កា.) : អុតជាជំងឺគួរតែខ្លាច ព្រោះរោគនេះកាចរុករានឆ្លង ពេលណាឮថាមានម្តងៗ ជនផងត្រូវស្ដាប់បញ្ជាពេទ្យ ។ ប្រញាប់ចាក់ថ្នាំបង្ការភ្លាម ធ្វើតាមបម្រាមកុំបណ្តែត-បណ្តោយឲ្យកើតទៅជាហេតុ នាំឲ្យរោគអុតឆ្លងពេញពាស ។