អំបែង
( ន. ) បន្ទះបំណែកនៃក្អម, ឆ្នាំង, ចានជាដើម : អំបែងក្អម, អំបែងចាន ។ ក្អមដីឬឆ្នាំងដីដែលគោះចោះត្រង់ក្អេងម្ខាងឲ្យមានចន្លោះធំល្មមដល់ការ សម្រាប់លីងអ្វីៗ : លីងពោតពីរបីអំបែង ។ អំបែងក្បាល (ព. ទ្រ. ម.) តួក្បាល : ប្រយ័ត្ន ! អញវ៉ៃបែកអំបែងក្បាលឥឡូវ ! (ប្រដូចក្បាលទៅនឹងអំបែងសម្រាប់លីងអ្វីៗ) ។ ព. ទ. បុ. អំបែងបែកឲ្យយកអំបែងដដែលសង មានអត្ថន័យថា ទារយកឲ្យបានចំពោះតែរូបរបស់ដើមមកវិញ ។