រាវ
( កិ. ) ជ្រាវរកដោយដៃ : រាវចាប់ត្រីក្នុងអង្រុត ។ ស្រាវជ្រាវរក, សង្កេតឈ្លេចឈ្លីរក : រាវរកឲ្យឃើញសេចក្ដីពិត ។
( គុ. ) ដែលជាទឹក, មិនខាប់, (ទីទៃពីខាប់) : ខ្លាញ់រាវ, បបររាវ ។ របស់រាវ ឬវត្ថុរាវ អ្វីៗដែលជាទឹក, មិនខាប់ ដូចយ៉ាងប្រេង, សុរាជាដើម ។ ក្មេងឈាមរាវ ក្មេងដែលកំពុងមានកម្លាំងពេញពាស មានចិត្តរហេវរហាវមិនសូវចេះអត់ធ្មត់ ។ល។
( ន. ) ប្រដាប់ធ្វើដោយបន្ទោះត្បាញជាក្រឡា ឬ ដោយក្រងបន្ទះរនាបជាដើម សម្រាប់ផ្កាប់ចានដែលប្រើប្រាស់ : រាវចាន, ចានមួយរាវ (ម. ព. រណ្ដំ ផង) ។