កណ្ហាជិនា

ពីWiktionary

ការបញ្ចេញសំឡេង[កែប្រែ]

កន់-ហា-ជិ-នា[kɑn-ha-cɨ-nie]

និរុត្តិសាស្ត្រ[កែប្រែ]

មកពីពាក្យ បាលី kaṇhājina

នាម[កែប្រែ]

កណ្ហាជិនា

  1. ឈ្មោះ​ព្រះ​រាជ​ធីតា​នៃ​ព្រះ​វេស្សន្ដរ​មាន​ក្នុង​មហា​វេស្សន្ដរ​ជាតក​ (រឿង​មហា​ជាតក) ។
  2. កណ្ហា (Kanha) : នៅ​ក្នុង​ភាសា​ប្រាក្រិត​ គឺ​ អាទិទេព​ឈ្មោះ ក្រឹស្នា​ (the God Krishna) ។ រីឯ​ពាក្យ​បាលី​ "ជិនា" ប្រែ​ថា​ឈ្នះ គឺ​សំដៅ​ន័យ​ថា បុត្រី​ របស់​ព្រះ​វេស្សន្ត​មាន​អំណាច ឬ កិត្តិនាម​ល្បី​ល្បាញ​ឈ្នះ​លើ អាទិទេពក្រឹស្នា ដែល​ពួក​ព្រាហ្មណ៍​តែង​គោរព​បូជា​ឥត​ឈប់ ។ ចំណុច​គួរ​ឲ្យ​កត់​សម្គាល់​មួយ​ទៀត គឺ​អ្នក​និពន្ធ​យក​ឈ្មោះ ក្រឹស្នា ​ទៅ​ដាក់​ឈ្មោះ​កូន​ស្រី​របស់​ព្រះ​ពោធិសត្វ វេស្សន្តរ ។ ធម្មតា ឈ្មោះ​ ក្រឹស្នា គឺ​ទុក​សម្រាប់​តែ​ដាក់​ឲ្យ​កូន​ប្រុស​ ដើម្បី​ឲ្យ​កូនប្រុស​​ក្លាយ​ជា​មនុស្ស​​ ខ្លាំង​ ពូកែ ឆ្លាត មាន​ស្រី​ចោម​ស្រឡាញ់ ដូច​ អាទិទេព ក្រឹស្នា ។ អ្នក​និពន្ធ​រឿង​នេះ​​បាន​ដឹង​​​ច្បាស់​ នូវ​ទំនៀម​ទម្លាប់​របស់​លទ្ធិព្រាហ្មណ៍ ដែល​មិន​ឲ្យ​តម្លៃ​ខ្ពស់​ដល់​ស្ត្រី ឬ កូន​ស្រី​ ។ ដូច្នេះ​​ក្នុង​ការ​តាក់​តែង​រឿង​ព្រះ​វេស្សន្តរ​ ដែល​ជា​អក្សរសិល្ប៍​ពុទ្ធនិយម អ្នក​និពន្ធ​បាន​​ប្រើ​ល្បិច ​លាក់​បាំង​គោលបំណង​ពិត​របស់​ខ្លួន គឺ​ ១- ការ​ឆ្លុះ​បញ្ចាំង​ឲ្យ​អ្នក​អាន​មើល​ឃើញ​ទិដ្ឋភាព​ជាក់​ស្តែង ​នៃ​សង្គម​ឥណ្ឌា​សម័យ​នោះ, ២- ​​​អប់រំ​ជនជាតិ​​ឥណ្ឌា​​ឲ្យ​បោះ​បង់​ចោល​លទ្ធិព្រាហ្មណ៍​ រួច​ងាក​មក​កាន់​ពុទ្ធសាសនា, និង ៣) ​អប់រំ​ឲ្យ​ពួក​គេ​ចាប់​ផ្តើម​ផ្តល់​តម្លៃ​ដល់​​​ស្ត្រី ឬ កូន​ស្រី​ ។

បំណកប្រែ[កែប្រែ]

ឈ្មោះ​ព្រះ​រាជ​ធីតានៃ​ព្រះ​វេស្សន្ដរ

ឯកសារយោង[កែប្រែ]

  1. វចនានុក្រម​ខ្មែរ និពន្ធ​ដោយ​សម្តេចសង្ឃរាជ ជួន ណាត បោះពុម្ពដោយ​វិជ្ជាស្ថាន​ពុទ្ធសាសន​បណ្ឌិត្យ [១]
  2. Original Sanskrit texts on the origin and history of the people of India, their religion and institutions by John Muir, Volume 2 (1874)
  3. ឯកសារ​បកស្រាយ​ប្រវត្តិ​របស់ អាទិទេព ក្រឹស្នា ជា​ភាសា​ អង់គ្លេស [២]
  4. ឯកសារ​បកស្រាយ​ប្រវត្តិ​របស់ អាទិទេព ក្រឹស្នា ជា​ភាសា​ ថៃ [៣]