ប្រាស
- ( កិ. ) ឃ្លាតចេញ, ព្រាត់ចេញ, ចាកចេញ ។ ប្រាសចាក (អ. ថ. ប្រាស-ចាក ឬ ប្រាសៈចាក) ឃ្លាតចាក, ផុតចាក, គ្មាន, ឥត : ចិត្តប្រាសចាកមន្ទិល, មនុស្សប្រាសចាកទោស ។ ប្រាសនិរាស ប្រាសឃ្លាតចេញឆ្ងាយអស់មានសង្ឃឹមថានឹងបានឃើញឬបានចួបទៀត (ម. ព. និរាស ផង) ។ ប្រាសព្រាត់ ឬ ព្រាត់ប្រាស ព្រាត់ឃ្លាតចាកបុគ្គលជាទីស្រឡាញ់លែងឃើញគ្នា ។ (ព. កា.) : បំណាច់នឹងប្រាសព្រាត់ គួរហាមាត់ផ្ដាំមួយម៉ាត់ ហេតុម្ដេចក៏ទៅបាត់ ស្ងាត់ដំណឹងឈឹងសូន្យសោះ ។
- ភូមិនៃឃុំតានី