កុសលធម៌
កុសលធម៌ : < កុសល (kusala)+ ធម៌
អភិធម្មបិដក ចែក អំពើ ឬ សកម្មភាព (កម្ម) របស់សត្វលោកជា ៣ គឺ កម្មដែលហុចផលល្អ (កុសលកម្ម), កម្មហុចផលមិនល្អ (អកុសលកម្ម), កម្មដែលមិនហុចផលល្អ ឬ មិនល្អ (អព្យាកតៈ) ។ ពាក្យ កុលធម៌ (wholesome, skillful) មានន័យទូលាយ និង ប្រែប្រួលតាមបរិបទ និង ប្រធានបទដែលត្រូវបានគេលើកយកវាទៅប្រើប្រាស់ ។ ន័យដើមរបស់វា គឺ កម្មដែលកម្ចាត់បង់នូវអំពើអាក្រក់ (បុណ្យ) ប៉ុន្តែ វាក៏អាចមានន័យថា ល្អ, ប្រពៃ, ប្រសើរ, អំពើស្របច្បាប់, មានប្រយោជន៍, មានសីលធម៌ល្អ, គុណធម៌, មានសុខភាពល្អ, ជំនាញ ផងដែរ ។ លទ្ធផលរបស់ កុសលកម្ម គឺ នាំមកនូវសេចក្តីសប្បាយ រីករាយ ។ ពាក្យផ្ទុយរបស់ កុសល គឺ អកុសល ដែលមានន័យថា កម្មដែលនាំលទ្ធផលមិនល្អ ដូចជាចិត្តសៅហ្មង និង អំពើខុសច្បាប់ ។ លទ្ធផលនៃ អកុសលកម្ម គឺ នាំមកនូវសេចក្តីសោកសៅ ទុក្ខព្រួយ, គ្រោះថ្នាក់, មានជម្ងឺ ។ សូមអាន អភិធម្មបិដក និង ដីកា អត្ថសាលិនី ដើម្បីយល់ន័យរបស់ពាក្យ កុសលធម៌ និង កុសលកម្មបទ ១០ ។