កហាបណៈ
[ កៈ-ហា-ប៉ៈ-ណៈ ] /kaʔhaapaʔnaʔ/ < ពាក្យបាលីថា កហាបណៈ (kahāpaṇa) ធៀបនឹងពាក្យសំស្ក្រឹត ការ្សាបណ (karshapana) (នាម) ប្រាក់ទម្ងន់ ៤ បាទ (pada) ។ ឯកសារបុរាណមួយចំនួននិយាយថា នៅប្រទេសឥណ្ឌា នាសម័យសន្តតិវង្សមោរ្យា មានការប្រើប្រាស់លុយជាប្រភេទកាក់ធ្វើអំពីប្រាក់ចំនួន ៤ ប្រភេទ ពោលគឺ ការ្សបណៈ ឬ ហៅកាត់ថា បណៈ (ប្រៀបដូចជាមួយរៀលខ្មែរ) អឌ្ឍបណៈ (ប្រៀបដូចជាកន្លះរៀល ឬ ៥០ សេនខ្មែរ) បាទៈ (ប្រៀបដូចជា ២៥ សេនខ្មែរ) និង អស្ដាភាគៈ ឬ អរ្សាបាទិកៈ (ប្រៀបដូចជា ១ ភាគ ៨ នៃ ១ រៀល ឬ ១២ សេនកន្លះ)។